Programi “Modeli i Parlamentit Shqiptar” drejtohet nën moton “deputetë fiktivë - ligjbërje e vërtetë” dhe ka për qëllim organizimin e konkursit kombëtar të debatit me studentë (18-24 vjeç) të universiteteve publike dhe jo publike, për simulimin e procesit ligjbërës.

Objektivat e këtij programi janë:

• Organizimi i një konkursi kombëtar vjetor
• Nxitja dhe forcimi i klubeve të debatit në auditor e universiteteve
• Njohja me procesin ligjbërës bazuar në Rregulloren e Kuvendit të Republikës së Shqipërisë
• Njohja e të rinjve me kulturën e debatit parlamentar konstruktiv, mbështetur në fakte, evidenca dhe analizë kritike mbi tematika konkrete dhe aktuale, pjesë e diskursit publik real

Për të qenë pjesë e këtij programi, çdo fakultet formon skuadrën e tij të debatit prej 5 anëtarësh. Skuadrat debatojnë me njëra-tjetrën, duke u vlerësuar nga Komisioni i Gjyqtarëve të Debatit për të kaluar ose jo në fazën e rradhës, deri në shpalljen e skuadrës fituese të konkursit.