Qendra Vizitorëve është një hapësirë multifunksionale e dedikuar për aktivitete me fokus edukimin qytetar. Qëllimi kryesor është përfshirja e publikut në veprimtarinë parlamentare, informimi mbi funksionimin e tij dhe edukimi mbi format e angazhimit në vendimmarrje.

Në Qendrën e Vizitorëve do të organizohen programet edukuese të Kuvendit, seminare, ture parlamentare, ekspozita, aktivitete ndërvepruese për grup mosha të ndryshme si simulime të debateve, konkurse e kuize për nxënës.

Qendra do të mirëpresë grupe si studentë, akademikë, turistë, qytetarë dhe do të ketë aktivitete të dedikuara për secilin nga këta. Përfshirja aktive e këtyre grupeve në veprimtarinë parlamentare do të rrisë transparencën, aksesin e publikut dhe do të formësojë qasjen e Kuvendit në të ardhmen.