Programi “Këndvështrimi im” është një simulim i debatit parlamentar që fton të rinjtë nga 14 deri në 18 vjeç të marrin pjesë duke u bërë deputetë për një ditë.

Gjatë këtij simulimi të rinjtë vijnë në Kuvend dhe propozojnë e debatojnë projektligje që synojnë të zgjidhin prolematika të shoqërisë tonë.

Qëllimi i këtij programi është:

• Rritja e ndërgjegjësimit të të rinjve për çështjet politike,
• Edukimi i tyre mbi mekanizmat parlamentarë,
• Zhvillimi i mendimit analitik, nxitja e gjykimit kritik dhe aftësimi në të folurën publike.

Për të gjithë të interesuarit, udhëzimet më të detajuara për realizimin e lojës i gjeni në dokumentin Këndvështrimi im.

Aplikimi për të qenë pjesë e këtij programi kryhet të paktën **1 muaj përpara** datës së planifikuar për realizimin e simulimit. Grupet për pjesëmarrjen në këtë lojë duhet të kenë minimalisht 50 deri në maksimalisht 140 të rinj, të shoqëruar nga mësues.

Kalendari i lojërave të programit “Këndvështrimi im” përcaktohet dhe komunikohet nga stafi i Shërbimit të Edukimit Qytetar.

Për të njohur më mirë funksionimin e lojës ndiqni videon më poshtë: