Veprimtaria parlamentare zhvillohet në dy ndërtesa: në Kryesinë e Kuvendit dhe në Sallën e Seancave Plenare.

Në Kryesinë e Kuvendit do të mund të vizitoni:

• Sallat e Mbledhjeve të Komisioneve të Përhershme Parlamentare, ku shqyrtohen çështjet parlamentare përpara se të paraqiten në seancën plenare
• Sallën Pjetër Arbnori, ku zhvillohen mbledhjet e Konferencës së Kryetarëve dhe të Byrosë së Kuvendit
• Sallën e Konferencave të Kuvendit, një hapësirë e dedikuar për mbledhje dhe konferenca të ndryshme, ku diskutohen çështje të rëndësishme politike dhe sociale
• Bibliotekën e Kuvendit, që përmban burim të pasur informacioni me materiale mbi legjislacionin dhe historinë parlamentare
• Arkivën Parlamentare, si dhe ambiente të tjera të lidhura me proceset parlamentare

Në këtë pjesë të turit do të mësoni mbi funksionet parlamentare, arkitekturën e ndërtesës dhe rolin e administratës së Kuvendit.

Në vijim, vizitojmë Godinën e Sallës së Seancës Plenare dhe Qendrën e Vizitorëve, ku do të mësoni mbi:

- organizimin e seancës plenare
- rolin e Kryetarit të Kuvendit
- protokollin e vendosjes së pjesëmarrësve në sallë procedurat e diskutimeve dhe votimeve