Kuvendi i Shqipërisë në dispozicionin tuaj në çdo moment.

Ju mund të rezervoni pjesëmarrjen tuaj duke plotësuar formularin e rezervimit në faqen Apliko ose duke kontaktuar Shërbimin e Edukimit Qytetar përmes email-it: edukimi.qytetar@parlament.al

Aplikimi për vizitë në Kuvendin e Shqipërisë varion sipas programeve edukative. Për programin “Punishtja e Demokracisë” sugjerohet që aplikimi të bëhet që në fillim të vitit të ri shkollor; megjithatë, koordinimi për të qenë pjesë e këtij programi mund të bëhet kurdoherë në bashkëpunim me Shërbimin e Edukimit Qytetar, në varësi të hapësirave të parashikuara në kalendarin e programit. Për programin “Këndvështrimi im” kërkesa bëhet të paktën 1 muaj përpara datës së parashikuar për të zhvilluar lojën. Për programin “Tur parlamentar”, kërkesa për të qenë pjesë e vizitave duhet të bëhet të paktën 3 ditë pune përpara datës së parashikuar.

Shënim: Emrat e pjesëmarrësve për secilin program duhet të depozitohen pranë Shërbimit të Edukimit Qytetar 2 ditë pune përpara vizitës/aktivitetit të parashikuar

Numri i pjesëmarrësve varet nga lloji i programit të zgjedhur:

1. Punishtja e Demokracisë: nga 12 deri në 35 pjesëmarrës
2. Turi në Kuvend: deri në 50 pjesëmarrës
3. Kuvend-On: deri në 40 pjesëmarrës
4. Fjala ime: mbi 40 pjesëmarrës
5. Këndvështrimi im: nga 60 deri në 140 pjesëmarrës

Vizitat në Kuvendin e Shqipërisë varen nga lloji i programit që merrni pjesë. Për programin “Tur parlamentar” vizita zgjat 45 minuta. Programi “Punishtja e Demokracisë” zgjat 4 orë. Programi “Këndvështrimi im” zgjat 2 orë e 30 minuta. Programi “Kuvend-ON” dhe “Fjala ime për…” zgjasin deri në 2 orë, në varësi të diskutimeve të pjesëmarrësve.

Po, është e mundur të ndiqni një seancë plenare ose një komision parlamentar. Ju duhet të rezervoni paraprakisht dhe të konfirmoni pjesëmarrjen tuaj me Shërbimin e Edukimit Qytetar, të paktën 2 ditë pune përpara vizitës së parashikuar.

Po. Pjesëmarrësit duhet të respektojnë kodin e veshjes së përshtatshme për mjedise zyrtare.

Deputetët e Kuvendit të Shqipërisë janë pjesë e vazhdueshme e programeve të Edukimit Qytetar, duke marrë pjesë në diskutime dhe përgjigjur pyetjeve tuaja. Kjo do të varet nga lloji i aktivitetit dhe programi i deputetëve.

Disa aktivitete mund të kenë mbulim mediatik, në varësi të çështjes që trajtohet (çështje me interes publik apo aktivitete ndërgjegjësuese).

Pjesëmarrësit pajisen me certifikatë për pjesëmarrjen në programin “Këndvështrimi im”, si dhe për programin “Punishtja e Demokracisë” pasi kanë ndjekur të katërta modulet e këtij programi duke u vlerësuar si “Ambsadorë të Demokracisë”.

Qendra e Vizitorëve është e hapur për publikun nga e hëna në të premte, nga ora 09:00 deri në orën 15:00, me përjashtim të ditëve që zhvillohet seanca plenare apo aktivitete të tjera parlamentare, të cilat njoftohen të paktën 48 orë përpara në ueb-faqen e Edukimit Qytetar.

Qendra e Vizitorëve është e mbyllur për publikun ditën e shtunë dhe të dielë, si dhe në ditët e festave zyrtare, përveç se kur njoftohet ndryshe.

Vizitorët mund të hyjnë në Qendër deri 30 minuta përpara orarit të mbylljes.

Ju mund të informoheni mbi veprimtarinë dhe rezultatet e Kuvendit të Shqipërisë në fushën e edukimit qytetar duke vizituar linkun për raportet vjetore, si dhe materialet edukative të publikuara.